తరుణి! మహా నిధానమ! సుధామయకూపసమస్తవైభవా
భరణమ! దేవదేవుని కృపామతి! యోయలమేలుమంగ! నీ
కరుణయు జాలు లోకముల( గావ(గ నంచు మునీంద్రులున్
సురల్ నిరతి నుతించి మ్రొక్కుదురు నీప్రియకాంతను వేంకటేశ్వరా !taruNi! mahA nidhAnama! sudhAmayakUpasamastavaibhavAbharaNama! dEvadEvuni kRpAmati! yOyalamElumaMga! nIkaruNayu jAlu lOkamula( gAva(ga naMchu munIMdrulun sural nirati nutiMchi mrokkuduru nIpriyakAMtanu vEMkaTESwarA !
చ.సరసిజసంభవాది దివిజప్రకరంబులసంపదల్ సువి
స్తరములు గా(గ( గన్గొనల జల్లెడు శ్రీ యలమేలుమంగ నీ
తరుణి యురంబునం జెలగ(దన్మయ మందెడు నీకు బ్రాతియే
పరమపద ప్రభుత్వము నపారమహత్త్వము వేంకటేశ్వరా !cha.sarasijasaMbhavAdi divijaprakaraMbulasaMpadal suvistaramulu gA(ga( gan&gonala jalleDu SrI yalamElumaMga nItaruNi yuraMbunaM jelaga(danmaya maMdeDu nIku brAtiyEparamapada prabhutwamu napAramahattwamu vEMkaTESwarA !
ఉ:
కిన్నెర మీటి మీటి పులకించి తలంచి మనోజలీల( దా
నున్న తెఱంగు నెచ్చెలుల కొయ్యన(జెప్పగబూను( జెప్పరా
కన్నువ సిగ్గుతో నలరు నల్లన శ్రీయలమేలుమంగ నీ
వన్నెలసేత లెట్టివొ సువాళము లెట్టివొ వేంకటేశ్వరా !u:kinnera mITi mITi pulakiMchi talaMchi manOjalIla( dAnunna te~raMgu nechchelula koyyana(jeppagabUnu( jepparAkannuva siggutO nalaru nallana SrIyalamElumaMga nIvannelasEta leTTivo suvALamu leTTivo vEMkaTESwarA !
ఉ:ఆయలసంబు లానడపు లాకను(గ్రేవల ముద్దుచూపు లా
యాయెలనవ్వు మాటల ప్రియంబులు నీకలమేలుమంగ నీ
మాయలొ ప్రాణవల్లభుని మక్కువ చేతలొ చెప్పు మంచు లే(
బ్రాయపు నీసతిం జెలులు పల్కిరి పల్మఱు వేంకటేశ్వరా !u:AyalasaMbu lAnaDapu lAkanu(grEvala mudduchUpu lAyAyelanavvu mATala priyaMbulu nIkalamElumaMga nImAyalo prANavallabhuni makkuva chEtalo cheppu maMchu lE(
brAyapu nIsatiM jelulu palkiri palma~ru vEMkaTESwarA !
ఉ:కూరిమి సానవట్టిన చకోరపు(గన్ను(గొన దళుక్కునన్
జేరువ మించులై మెఱయ జిమ్ములబొమ్మల( బంపు నవ్వు దై
వారగ( గాంచి నీతరుణి వన్నెల శ్రీయలమేలుమంగ నీ
సారపు నేర్పు( జక్కగొనె( జక్కని మోమున వేంకటేశ్వరా !
u:kUrimi sAnavaTTina chakOrapu(gannu(gona daLukkunan jEruva miMchulai me~raya jimmulabommala( baMpu navvu daivAraga( gAMchi nItaruNi vannela SrIyalamElumaMga nIsArapu nErpu( jakkagone( jakkani mOmuna vEMkaTESwarA !
చ.ఒకమరి నీవు కన్గొనల నొయ్యన(జూచిన నీవిభుండు లో(
గకవిక( దర్చు( జేరునట కౌగిటి కోయలమేలుమంగ నీ
వికచ విలాస మంచు నరవిందమరందపు(దేనెపల్కులన్
బికశుకపంక్తి నీకు( దలపించును నీసతి వేంకటేశ్వరా!cha.okamari nIvu kan&gonala noyyana(jUchina nIvibhuMDu lO(gakavika( darchu( jErunaTa kaugiTi kOyalamElumaMga nIvikacha vilAsa maMchu naraviMdamaraMdapu(dEnepalkulanbikaSukapaMkti nIku( dalapiMchunu nIsati vEMkaTESwarA!
చ.చికురభరంబుచే (నదిమి) శ్రీలలితాంగివి నీవు నాగుణా
ధికునియురముపై రతుల(దేలుచు శ్రీయలమేలుమంగ నీ
లికుచకుచ ప్రభావమున లేతవయస్సున నింత నేతురా
వెకలి వటండ్రు నెచ్చెలులు వేడ్కల నీసతి వేంకటేశ్వరా !cha.chikurabharaMbuchE (nadimi) SrIlalitAMgivi nIvu nAguNAdhikuniyuramupai ratula(dEluchu SrIyalamElumaMga nI likuchakucha prabhAvamuna lEtavayassuna niMta nEturAvekali vaTaMDru nechchelulu vEDkala nIsati vEMkaTESwarA !
ఉ:
యో లలితాంగి ! యో కలికి ! యో యెలజవ్వని ! యో వధూటి ! యో
గోల ! మెఱుంగుజూపుకనుగోనల నోయలమేలుమంగ మ
మ్మేలిన తల్లి నీవిభున కించుక మాదెసచూపుమంచు నీ
పాలికి జేరి మ్రొక్కుదురు పద్మభవాదులు వేంకటేశ్వరా !u:yO lalitaaMgi ! yO kaliki ! yO yelajavvani ! yO vadhUTi ! yOgOla ! me~ruMgujUpukanugOnala nOyalamElumaMga mammaelina talli nIvibhuna kiMchuka mAdesachUpumaMchu nIpAliki jEri mrokkuduru padmabhavAdulu vEMkaTESwarA !
ఉ:నీవును దాను గూడె దరుణీమణి శ్రీయలమేలుమంగ నా
నావిధవైభవంబుల ననారతముం జెలువొందు నేడు నీ
వావలి మోము చేసి తని యప్పటినుండియు( బల్క విట్టులా
దేవర చిత్తమెవ్వరికి (దేర్పగ శక్యమె వేంకటేశ్వరా !u:nIvunu dAnu gUDe daruNImaNi SrIyalamElumaMga nAnAvidhavaibhavaMbula nanAratamuM jeluvoMdu nEDu nIvAvali mOmu chEsi tani yappaTinuMDiyu( balka viTTulAdEvara chittamevvariki (dErpaga Sakyame vEMkaTESwarA !
చ . కిలకిల నవ్వు నవ్వి తిలకించితి మంచి సుధారసంబు నీ
పలుకుతేనెలన్ విభుని(బట్టము( గట్టితి నీదుకౌగిటన్
వలదని చెప్పినన్ వినవు వద్దుసుమీ యలమేలుమంగ నీ
కెలవు లటంచు నెచ్చెలులు కీర్తన సేతురు వేంకటేశ్వరా !cha . kilakila navvu navvi tilakiMchiti maMchi sudhArasaMbu nIpalukutEnelan vibhuni(baTTamu( gaTTiti nIdukaugiTanvaladani cheppinan vinavu vaddusumI yalamElumaMga nIkelavu laTaMchu nechchelulu kIrtana sEturu vEMkaTESwarA !
కన్నులుగల్గి కొమ్మ నిను గప్పము( జేకొన లేతనవ్వు నీ
కెన్నడు మోవి నిచ్చినదొ యేగతి మెచ్చితొ యెట్టులుండెనో
యన్నిట, నేనెజాణ నని యందువు శ్రీయలమేలుమంగకే
మన్నన నెట్టు లిచ్చితివొ మాటల జిక్కవు వేంకటేశ్వరా !kannulugalgi komma ninu gappamu( jEkona lEtanavvu nIkennaDu mOvi nichchinado yEgati mechchito yeTTuluMDenOyanniTa, nEnejANa nani yaMduvu SrIyalamElumaMgakEmannana neTTu lichchitivo mATala jikkavu vEMkaTESwarA !
శ్రీసతి నీలజాంబవతి శ్రీయమునాసతి సత్యభామ ధా
త్రీసతి రుక్మిణీరమణి దేవియిలాసతి వీర లందఱు(న్)
జేసినసేవ చేసెదను జేకొను శ్రీయలమేలుమంగ నీ
మూసిన ముత్యమై యురము ముంగిట( జెంగట వేంకటేశ్వరా !
SrIsati nIlajAMbavati SrIyamunAsati satyabhAma dhAtrIsati rukmiNIramaNi dEviyilAsati vIra laMdaru jEsinasEva chEsedanu jEkonu SrIyalamElumaMga nImUsina mutyamai yuramu muMgiTa( jeMgaTa vEMkaTESwarA !